Txotx garaia aprobetxatuz, bertso paperen lehiaketa txikia antolatzen dugu urtero. Parte-hartzaileek, proposatutako gaiarekin lotura duten bertsoak egin behar dituzte eta ondoren, Hernani, Urnieta eta Astigarragako sagardotegietan egongo diren kaxetan bota.
Aurreko urtean 14 sagardotegietatik jasotako bertsoen artean egin zen lehiaketa, eta guztira 100 bertsotik gora jaso ziren. Aurten berriz, Hernani, Urnieta eta Astigarragako 23 bat sagardotegietan izango dira idatzitako bertsoak uzteko kutxak. Hortaz, egin beharrekoa da bertsoa osatu norberak nahi duen doinuan eta neurrian, izen-abizenak eta telefonoa jarri, eta papera kutxan sartu.
Horrez gain, bertsoa emailez aurkezteko aukera ere egongo da. Horretarako, identifikazio datuak jarri eta bidali bertsoa dobera@dobera.eus helbidera. Ohiko bi modu horiez gain, iaz bezala, instagram bidez (@doberaelk) bidaltzeko aukera ere zabaldu dugu. Bertara bideoak, argazkiak edota mezuak bidaltzeko!
Bertsoak botatzeko aukera izango da apirilaren 14ra arte.
Aurtengo gaia: Gaur gaurkoak, bihar biharkoak
Bertso sarituen emanaldia eta sari banaketa apirilaren 26an egingo dugu. Aurtengoa, X. urteurrena izanik, emanaldi berezia antolatu dugu eta hainbat sorpresa izango dira. Urtero bezala, sari mordoa izango da: bi lagunentzako otorduak, sagardo kaxak, ekitaldietarako sarrerak…
Animatu eta Bota bertsoa!
