SARRERAK LARUNBATETIK AURRERA SALGAI!
Hemen Doberaren ekimen berria! Olentzero eta Maridomingiren etxea!
Ongi etorri gure etxera! Ongi etorri Olentzero eta Maridomingiren etxera!
Bisita, istorioak eta sekretuak elkarbanatuko ditugu bertan… baita txokolate beroa hartu ere! Bisitari hasiera emateko, galtzagorri bihurrienaren laguntzaz, txondorra osatzeko egur zatiak apainduko dituzte etxeko txikienek!
Hori guztia aurkituko duzue Olentzero eta Maridomingiren etxean, gabonen magia sortzen den lekuan!
Euskal kulturan murgiltzeko esperientzia sortuko dugu, Arriatxuko eskola zaharrean (Osinaga auzoa, 53) hain zuzen ere! Etxeko txikienek, baita guraso eta familiakideek ere, Olentzero eta Maridomingirekin solasean aritzeko aukera izango dute ordubetez. Murgiltze-esperientzia bermatuko duen antzerkia izango da, formatu txikian eta aforo mugatuarekin; izan ere, gure helburu nagusia haurrek bertatik bertarako hartu emana izatea da!
