Hernaniko Udaleku Irekiak iraun bitartean, Dobera Euskara Elkarteak, goizetan, haur zaintza behar duten familiei zuzendutako zerbitzua eskainiko du. Eguneko lehen ordu hauetan, haurrak giro euskaldun, goxo eta ludikoan egongo dira, eguna ahalik eta modu atseginenean hasteko. Bertan: jolasak, mahai jokoak, irakurketa, margoketa… egin ahal izango dira.
Doberako hezitzaileak arduratuko dira umeen harrera goxoa egiteaz. Haurrak hartzeaz gain, gurasoen oharrak ere jasoko dituzte, gero ume bakoitzaren begiraleari helarazteko. Begirale hauek arduratuko dira, noski, umeak beren taldean uzteaz.
- Egutegia: Ekainaren 30etik uztailaren 23ra. Astelehenetik ostiralera.
- Ordutegia: 8:00 – 9:30. Sarrera ordua malgua.
- Parte hartzaileak: HH3 – LH4. maila bitarteko haurrak
- Non? Aurrerago zehaztuko da
*Aldizkako zerbitzua behar izanez gero, gutxienez 24 orduko lehentasunarekin egin behar da eskaera. Eta zerbitzua astelehenean behar izanez gero, 72 orduko lehentasunarekin..
* KOPURUA MUGATUA DA. Hortaz, izen ematea lehenbailehen egitea gomendatzen dizuegu.